नयाँ दिल्ली— भारत र बंगलादेश बीच सीमा सुरक्षा, व्यापार, वाणिज्य र कनेक्टिभिटी, जनता—जनताको सम्बन्ध, पानीमा सहयोग, लगायतका विभिन्न मुद्दाहरूमा छलफल भएको छ ।
भारतको विदेश मन्त्रालयले जारी गरेको प्रेस विज्ञप्तिमा अनुसार दुवै पक्षले सीमा सुरक्षा, व्यापार, वाणिज्य तथा कनेक्टिभिटी, पानी, ऊर्जा र ऊर्जा क्षेत्रमा सहयोग, जनता–जनताको सम्बन्ध र विकासलगायतका विविध विषयमा विस्तृत छलफल भएको छ । दुवै पक्षले उप—क्षेत्रीय, क्षेत्रीय र बहुपक्षीय मुद्दाहरूमा पनि विचार आदानप्रदान गरे।
भारतले भर्चुअल जी–२० शिखर सम्मेलन र भ्वाइस अफ ग्लोबल साउथ समिट २ मा बंगलादेशको सहभागिताको प्रशंसा गर्यो।
बैठकमा भारतीय प्रतिनिधिमण्डलको नेतृत्व विदेश सचिव विनय मोहन क्वात्राले गरेका थिए । बंगलादेश पक्षको नेतृत्व परराष्ट्र सचिव मसुद बिन मोमेनले गरेका थिए ।
यस महिनाको सुरुमा, विदेश मन्त्री एस जयशंकरले भारत र बंगलादेश बीचको द्विपक्षीय सम्बन्धको महत्त्वलाई जोड दिँदै यसलाई भारतीय उपमहाद्वीपमा नमूना सम्बन्धको रूपमा उल्लेख गरे ।
