स्वातः पाकिस्तानको स्वातका स्थानीय व्यापारी र होटल व्यवसायीहरूले सरकारले ग्रीष्म मौसमको लागि बाढीको चेतावनी जारी गरेपछि यस क्षेत्रमा पर्यटनमा असर परेको डन पत्रिकाले रिपोर्ट गरेको छ।
पत्रकार सम्मेलनमा स्वात उद्योग वाणिज्य संघका अध्यक्ष राहत अली खान, व्यापारी महासंघका प्रवक्ता खालिद महमुद, स्वात पेट्रोलियम तथा सिएनजी संघका महासचिव जहुर इकबाल, होटल एशोसिएसनका महासचिव मोहम्मद वकिल, जाकिर मोहम्मद, युसुफ अली, अदनान खानले लगायतले सरकारले कर बढाउने निर्णयको विरोध गरे।
सरकारको आर्थिक नीतिका कारण मध्यम र मजदुर वर्ग मारमा पर्ने उनीहरुको भनाइ छ । उनीहरुले सरकारसँग अन्तर्राष्ट्रिय मुद्रा कोषसँगको सम्झौताको नकारात्मक प्रभाव जाँच गर्न माग गरेका छन् ।
उनीहरुले सरकारले मितव्ययिताका उपाय अपनाउनुपर्ने बताउँदै विद्युत महशुल बृद्धिले जनतालाई असहनीय भार परेको बताए ।
प्रदेश विपद् व्यवस्थापन प्राधिकरणले बाढीको चेतावनी जारी गरेपछि स्वातको पर्यटनमा नराम्रो असर परेको व्यवसायीका प्रतिनिधिले बताए ।
उनीहरुले स्वातमा नदीहरु सामान्य स्तरमा बग्ने भएकाले पर्यटकहरु सजिलै सो क्षेत्रमा पुग्न सक्ने दाबी गरेका छन् । सरकारले दश दिनभित्र आफ्नो माग सम्बोधन नगरे मलाकन्द डिभिजनमा आन्दोलन र हडताल गर्ने उनीहरुले चेतावनी दिएका छन् ।
