इम्फाल– भारतको मणिपुरले मार्चमा पहिलो अन्तरराष्ट्रिय फुटबल प्रतियोगिता आयोजना गर्ने भएको छ । उत्कृष्ट फुटबल खेलाडी उत्पादनका लागि चिनिएको मणिपुरले अर्को महिना खुमान लम्पक रंगशालामा भारतीय टोलीसहित म्यानमार र किर्गिस्तानको सहभागिता रहेको त्रिदेशीय मैत्रीपूर्ण प्रतियोगितामा आयोजना गर्न लागेको हो । रिपोर्टका अनुसार खेलहरू मार्च २२, २४ र २६ मा खेलाइनेछन् ।
मणिपुरका मुख्यमन्त्री एन बिरेन सिंहले इतिहासमा पहिलो पटक मणिपुरमा अन्तर्राष्ट्रिय मैत्रीपूर्ण खेलहरू आयोजना गर्न पाउनु एउटा ठूलो कुरा भएको बताएका छन् । वीरेनले मणिपुर सरकारले प्रतियोगिताको सफल आयोजनामा कुनै कसुर बाँकी नराख्ने बताए ।
खेलहरु ३५ हजार क्षमताको खुमान लम्पक रंगशालामा आयोजना हुनेछन् । यहाँ आइ—लिगका खेलहरू आयोजना हुँदै आएको छ। यो त्रिदेशीय मैत्री प्रतियोगिता भारतले अर्को वर्ष हुने एसिया कपको तयारीका लागि फिफा अन्तर्राष्ट्रिय विन्डोमा खेल्ने खेलहरूको शृङ्खला हो।
