विराटनगर । मनमोहन प्राविधिक विश्वविद्यालयको उपकुलपतिमा सुभाषश्री पोखरेल नियुक्त भएका छन् । बिहीबार विश्वविद्यालयका कुलपतिसमेत रहेका कोसी प्रदेशका मुख्यमन्त्री हिक्मत कार्कीले सुनसरीको दुहबी नगरपालिका–५ का पोखरेललाई उपकुलपति नियुक्त गरेका हुन् ।

उनले दोस्रो कार्यकालका लागि जिम्मेवारी पाएका हुन् । मुख्यमन्त्री कार्कीले पोखरेललाई आजै पद तथा गोपनीयताको शपथ गराएका छन् । प्राविधिक शिक्षालाई बढाउन प्रदेश सरकारले ६ वर्षअघि ऐन बनाएर विश्वविद्यालय सञ्चालन गरेको थियो ।