गुल्मी—भारत सरकारको आर्थिक सहयोगमा गुल्मीको धुर्कोट गाउँपालिका(३ मा अवस्थित निन्यूखर्क माध्यमिक विद्यालयका लागि निर्माण गरिने भवनको शिलान्यास गरिएको छ।
काठमाडौंस्थित भारतीय राजदूतावासकी काउन्सलर गीताञ्जली ब्रैन्डन र धुर्कोट गाउँपालिकाका अध्यक्ष भूपाल पोखरेलले मंगलबार विद्यालय भवनको संयुक्त रूपमा शिलान्यास गरेका हुन्।
भारतको ३ करोड ८ लाख नेपाली रुपैयाँ आर्थिक सहयोगमा विद्यालय भवन निर्माण गर्न लागिएको हो। फर्निचर, कक्षाकोठा र अन्य सहयोगी संरचनासहितको दुई तले विद्यालय भवन निर्माण हुनेछ।
उच्च प्रभाव सामुदायिक विकास परियोजनाअन्तर्गतको यो परियोजना धुर्कोट गाउँपालिकामार्फत कार्यान्वयन हुनेछ।
