काठमाडौँ । मुम्बई इण्डियन्स जारी आइपिएलको प्लेअफमा पुगेको छ ।
गएराती सम्पन्न खेलमा मुम्बईले दिल्ली क्यापिटल्सलाई ५९ रनले पराजित गर्दै प्लेअफमा आफ्नो स्थान सुरक्षित गरेको हो ।
मुम्बईले दिएको १८१ रनको लक्ष्य पछाएको दिल्लीले १८.२ ओभरमा अल आउट हुदै १२१ रन बनाएको थियो ।
दिल्लीका लागि समीर रिज्वीले सर्बाधिक ३९ रन बनाए भने विप्राग निगमले २० र आशुतोष शर्माले १८ रन बनाएका थिय ।
त्यसैगरी मुम्बईका बलर मिचेल सान्टनर र जसप्रित बुमराहले ३-३ विकेट लिएका थिए भने करण शर्मा, दिपक चहर र ट्रेन्ट बोल्टले एक एक विकेट लिए ।
यस अघि पहिला ब्याटिंग गरेको मुम्बईले २० ओभरमा ५ विकेट गुमाउदै १८० रन बनएको थियो ।
मुम्बईका लागि सूर्यकुमार यादवले अविजित ७३ रन बनाए भने तिलक बर्माले २७, रयान रिकेलटनले २५, नमन धिरले ८ बलमा २४ रन बनाएका थिए ।
यो जितपछि मुम्बईको १३ खेलमा १६ अंक भएको छ र प्लेअफमा आफ्नो स्थान सुरक्षित गरेको छ । त्यस्तै दिल्ली क्यापिटल्स भने यो हारपछि प्लेअफको दौडबाट बाहिरिएको छ । दिल्लीको १३ खेलमा १३ अंक रहेको छ र हाल पाँचौं स्थानमा छ ।
सम्बन्धित समाचार
लोकप्रिय समाचार
