सिन्धुपाल्चोक – सिन्धुपाल्चोकको बाह्रबिसे नगरपालिकाले आज (शनिबार) बाह्रबिसेमा आयोजना गरेको तीज विशेष कार्यक्रममा स्थानियले नेपाली काँग्रेसकी सांसद आरजु राणा देउवालाई बहिस्कार गर्दै पर्चा टाँगेका छन् । नगरपालिकाले आयोजना गरेको कार्यंक्रममा संसदिय समिति कृषि, सहकारी तथा प्राकृतिक स्रोतकी सभापति समेत रहेकी आरजु राणा देउवालाई स्थानियले बहिस्कार गरेका हुन् ।

कार्यक्रमको प्रमुख अतिथि भनिएपनि स्थानियले बहिस्कार गरेको थाहापाएपछि आरजु राणा देउवा कार्यक्रममा उपस्थित भइनन् । कार्यक्रममा नेपाल सरकारको स्वास्थ्य तथा जनसंख्या मन्त्री मोहन बहदुर बस्नेत बिशिस्ट अथितीका रुपमा सहभागी भएका थिए ।

स्थानीयबासीका अनुसार बस्नेत आज सम्म आफू भन्दा ‘जुनियर’ व्यक्ति प्रमुख अथिती भएको कुनैपनि कार्यक्रममा उपस्थित भएका थिएन । ‘हामीले यस कार्यक्रममा पनि मोहन दाइ आउनु हुन्न भन्ने आकलन गरेको थियौं तर आउनु भयो ।’ कार्यक्रमको बिहानै देखि आरजु राणालाई नक्कली भुटानी शरणार्थी प्रकरणको मतियार, सांसदको टिकट र मन्त्री पद पैसामा बेच्ने दलाल भ्रष्टाचारी भन्दै बजारको विभिन्न ठाउँहरुमा पर्चा पम्प्लेट गरि बहिष्कार गरिएको थियो।

बस्नेतको आफ्नै पालिकामा यसरी अथितीको अपमान हुनुमा बस्नेत बारम्बार मन्त्री भएर केही नगरेको तथा पैसाको आडमा सांसदको टिकट ल्याएको र पैसाकै भरमा मन्त्री बनेको भन्दै स्थानीयहरुले आलोचना गरेका थिए ।

अधिकांश नगरबासीहरुले नगरपालिकाको ठूलो बजेट खर्च गरेर तीज कार्याक्रम गर्नु भन्दा बरु यही रकमले महिलाहरुको सीप बिकास समृद्धि लागि लगानी गर्नुपर्ने बताएका थिए । आफ्नो नेतालाई खुसी पार्न मन्त्री बस्नेतले बाह्रबिसे नगरपालिको ढुकुटी रित्याएको भन्दै स्थानियले असन्तुष्टि व्यक्त समेत गरेका छ्न् ।

नेपाल महिला सँघ सिन्धुपाल्चोक द्वारा गत २२ गते पाली काँग्रेसका महामन्त्री गगन थापालाई प्रमुख अथितीमा अमन्त्रण गरि बाह्रबिसेमा तीज विशेष कार्यक्रमा आयोजना गरेका थिए ।