विश्वभरका सरकार र संस्थाहरू डिजिटल रूपान्तरण र ई(गभर्नेन्स प्रणालीतर्फ अघि बढिरहेका बेला, नेपाल सरकारले पनि डिजिटल सुशासन, प्रविधि एकीकरण र सुधारिएको डिजिटल सार्वजनिक सेवा प्रवाहलाई सक्रिय रूपमा प्रवद्र्धन गर्दै आएको छ । द्रुत गतिमा विकात भइरहेको डिजिटल युगमा डिजिटल साक्षरता, प्रविधिको जिम्मेवार प्रयोग र संस्थागत तयारीको बढ्दो महत्त्वलाई आत्मसाथ गर्दै, राष्ट्रिय युवा परिषद्का प्रशासकीय प्रमुख गेहनाथ गौतमको नेतृत्व र समन्वयमा परिषदका कर्मचारीहरू र परिषदका युवा सञ्जालहरूको डिजिटल क्षमता अभिवृद्धि गर्न पहल गर्नेुपर्ने आवश्यकता पहिचान गरेको थियो ।
यसै सन्दर्भमा, राष्ट्रिय जनसङ्ख्या तथा सहभागितामूलक विकास फाउन्डेसन र राष्ट्रिय युवा परिषद्ले फाउन्डेसन फर द फ्युचर को प्राविधिक सहयोग र संयुक्त राष्ट्र सङ्घीय जनसङ्ख्या कोषको आर्थिक तथा प्राविधिक सहयोगमा १६–१७ मे २०२६ मा राष्ट्रिय युवा परिषद्, सानोठिमी भक्तपुरमा “राष्ट्रिय युवा परिषद्का कर्मचारीहरूका लागि डिजिटल साक्षरता, एआई र प्रविधिमैत्री शासन विकास” विषयक दुई दिने कार्यशाला सफलतापूर्वक सम्पन्न भयो ।
कार्यशालामा राष्ट्रिय युवा परिषद्का कर्मचारीहरू, परियदको युवा सञ्जालका सदस्यहरू र युवा अभियन्तासहित जम्मा ४१ जना सहभागीहरूको उपस्थिति रहेको थियो । कार्यक्रमको उद्देश्य सहभागीहरूलाई डिजिटल सुशासन, साइबर सुरक्षा, आर्टिफिसियल इन्टेलिजेन्स एआई, डिजिटल सञ्चार, अनलाइन सुरक्षा र जिम्मेवार डिजिटल नेतृत्व अभ्यासहरू बारेको बुझाइलाई बलियो बनाउनु थियो ।
सूचना प्रविधि, साइबर सुरक्षा, डिजिटल सुशासन, शिक्षा प्रविधि, सञ्चार, मानव अधिकार र नवप्रवर्तनका क्षेत्रका अनुभवी विज्ञ तथा स्रोत व्यक्तिहरूद्वारा दुई दिने कार्यशालामा जम्मा आठवटा अन्तरक्रियात्मक सत्रहरू सञ्चालन गरिएका थिए ।

कार्यशालामा डिजिटल रूपान्तरण रणनीति र राष्ट्रिय साइबर सुरक्षा पहलका विज्ञ सुभाष ढकालस एसओसी सञ्चालन र एआई(संचालित सुरक्षा प्रणालीमा विशेषज्ञता हासिल गरेका साइबर सुरक्षा सल्लाहकार श्रीज्वल दिष्टीस एआई(संचालित समाधान र युवा नीति वकालतमा अनुभवी प्रविधि तथा नवप्रवर्तन सल्लाहकार प्रसन्न ढुङ्गेलस डिजिटल सिकाइ प्रणाली र साक्षरता कार्यक्रममा केन्द्रित एडटेक विशेषज्ञ पदमराज पन्तस विकासका लागि सूचना प्रविधि र मिडिया साक्षरतामा व्यापक अनुभव भएका सञ्चार विज्ञ सुधांशु दाहालस र डिजिटल अधिकार, अनलाइन सुरक्षा र नागरिक प्रविधिमा कार्यरत कानुनी विज्ञ सन्तोष सिग्देलले सत्रहरू सहजीकरण गर्नुभएको थियो ।
प्रविधि(सहयोगमा आधारित लैङ्गिक हिंसा, डिजिटल हानि र सुरक्षित अनलाइन स्थानहरू सम्बन्धी सत्र संयुक्त राष्ट्र सङ्घीय जनसङ्ख्या कोषको टोली ९अभिराम राय र जी सुङ पार्कले सहजीकरण गर्नुभएको थियो । सत्रले अनलाइन उत्पीडन, उजुरी गर्ने संयन्त्र, नेपालमा लैङ्गिक डिजिटल खाडल, सीमान्तकृत समुदायले सामना गर्ने जोखिम र सुरक्षित एवं समावेशी डिजिटल ठाउँहरू सिर्जना गर्न संस्थागत भूमिकामा केन्द्रित थियो । उहाँहरूले संयुक्त रूपमा डिजिटल साक्षरता मार्गचित्र र संस्थागतकरण योजनाू सम्बन्धी अन्तिम सत्र पनि सहजीकरण गर्नुभयो ।
कार्यशालाभरि, सहभागीहरूले सुशासन क्षमताको रूपमा डिजिटल साक्षरता, डिजिटल रूपान्तरणका अवसर र जोखिमहरू, साइबर सुरक्षा र संस्थागत डिजिटल सुरक्षा, सुशासनमा एआईको नैतिक प्रयोग, रणनीतिक डिजिटल सञ्चार, युवा संलग्नता, भ्रामक सूचना व्यवस्थापन र संस्थागत दक्षताका लागि डिजिटल उत्पादकत्व उपकरणहरूका बारेमा सिकेका थिए ।
कार्यशालाको मुख्य आकर्षणहरू मध्ये एक अन्तिम मार्गचित्र विकास अभ्यास थियो, जहाँ सहभागीहरूले राष्ट्रिय युवा परिषद्को दीर्घकालीन डिजिटल प्रणाली र संस्थागत डिजिटल अभ्यासहरूलाई सुदृढ पार्न प्राथमिकताहरू, चुनौतीहरू र कार्ययोग्य रणनीतिहरू पहिचान गर्न समूहमा काम गरेका थिए ।

यस अभ्यासले राष्ट्रिय युवा परिषद्लाई डिजिटल संस्थागतकरण, सुधारिएको सञ्चार प्रणाली, समन्वयात्मक डिजिटल संलग्नता र प्रादेशिक तथा राष्ट्रिय दुवै स्तरमा भविष्यको विस्तारतर्फ स्पष्ट, व्यवहारिक र दिगो कदमका साथ अघि बढ्न सहयोग गर्ने लक्ष्य राखेको थियो । कार्यक्रमभरि सहभागीहरूले छलफल, व्यवहारिक अभ्यास र सामूहिक सिकाइ गतिविधिहरूमा सक्रिय सहभागिता जनाएका थिए । धेरै सहभागीहरूले कार्यशालाले सामयिक र बहुमूल्य ज्ञान प्रदान गरेको कुरा व्यक्त गरे र भविष्यमा आर्टिफिसियल इन्टेलिजेन्स, साइबर सुरक्षा, डिजिटल सुशासन र रणनीतिक डिजिटल सञ्चारमा अझ बढी उन्नत र गहन कार्यशालाहरूको माग गरे ।
कार्यक्रम समापनका अवसरमा सहभागीहरूको प्रतिक्रिया, प्रमाणपत्र वितरण र सहभागी तथा आयोजक साझेदारहरूले नेपालभरका युवा संस्थाहरू र समुदायहरूमा डिजिटल साक्षरता, एआई तत्परता, जिम्मेवार डिजिटल नेतृत्व र सुरक्षित डिजिटल संलग्नता अभ्यासहरूलाई प्रवद्र्धन जारी राख्ने सामूहिक प्रतिबद्धताका साथ सम्पन्न भयो ।